उपसभामुख ढाका प्रस्थान, बिहीबार आगमन

उपसभामुख इन्दिरा राना बंगलादेशको राजधानी ढाका जानुभएको छ । उहाँ आज दिउँसो विमान बंगलादेशको उडान नम्बर बीजी ३७२ मा काठमाडौंबाट त्यसतर्फ प्रस्थान गर्नुभएको हो ।

उहाँ ‘बंगलादेश–नेपाल दोस्रो युवा आदानप्रदान सम्बन्धी सम्मेलन’ मा भाग लिन ढाका जानुभएको संसद सचिवालयले जनाएको छ । उहाँ आगामी बिहीबार सोही विमानको उडान नम्बर बीजी ३७१ मा बिहान साढे ११ बजे काठमाडौं आइपुग्ने कार्यक्रम रहेको बुझिएको छ ।