पूर्व राजाको बिर्तामोडमा राप्रपा अध्यक्षद्वारा स्वागत

पूर्व राजा ज्ञानेन्द्र शाहको स्वागत गर्दै झापाको बिर्तामोडमा राप्रपाका नेता तथा कार्यकर्ताले नारा लगाएका छन् ।

अध्यक्ष राजेन्द्र लिंगदेनको नेतृत्वमा रहेको समूहले राजतन्त्र जिन्दावाद, गणतन्त्र मुर्दावादको नारा लगाएको बताइएको छ । उनीहरुले राजा आउ, देश बचाउलगायत नारा लगाएका हुन् ।

पूर्वराजा शाहलाई होटल मेची क्राउनबाट बिर्तामोडस्थित इस्टर्न एम्पाएर कलेज अफ होटल म्यानेजमेण्टमा पृथ्वीनारायण शाहको शालिक अनावरण गर्न जाने क्रममा नारा लगाउँदै स्वागत गरिएको हो । शाहको स्वागतमा ५० वटा कार, झण्डै एक हजार मोटरसाइकलमा आएका राप्रपा कार्यकर्ताले लिंगदेनको नेतृत्वमा राष्ट्रिय झण्डा बोकेर स्वागत गरेका हुन् । 

पूर्वराजा शाह होटलबाट कलेजसम्म बा.२१ च ४३२८ नम्बरको गाडीमा जानुभएको बताइन्छ । उहाँ राजधानीबाट हिजो बुद्ध एअरको उडानमा झापा जानुभएको हो ।