१२ करोड हिनामिना गरेर भागेका सहकारीका अध्यक्ष प्रहरीको फन्दामा

बचतकर्ताको करोडौ रकम हिनामिना गर्ने रियल गोर्खा बचत तथा ऋण सहकारीका अध्यक्ष पक्राउ परेका छन् । 

सहकारीको १२ करोड रुपैयाँभन्दा बढी रकम हिनामिना गरेर फरार भएका अध्यक्ष हर्कबहादुर कठायत र सदस्य विनोदकुमार ओझालाई प्रहरीले पक्राउ गरेको हो । 

बचतकर्तालाई आकर्षक ब्याज दिने भन्दै रकम जम्मा गर्न लगाई सो रकम हिनाहिना गरेर संचालक फरार भएको उजुरीका आधारमा उनीहरुलाई पक्राउ गरिएको प्रहरीले जनाएको छ । उनीहरुले १२ करोड ३५ लाख ४८ हजार रुपैयाँ हिनाहिना गरेको आरोप लागेको छ ।

तीनकुनेमा केन्द्रीय कार्यालय रहेको गोर्खा बचतको जोरपाटी र भक्तपुरमा शाखा कार्यालय छन् ।