कंगोबाट झण्डै दुई सय सैनिक आए, त्यति नै संख्यामा गए

अफ्रिकी राष्ट्र कंगोमा शान्ति स्थापना कार्यमा तैनाथ नेपाली सेनाको एउटा टोली गएराति स्वदेश फर्केको छ । राति नै अर्को टोली त्यसतर्फ गएको छ । 

इथोपियन एयरलाइन्सको उडान नम्बर इटी ८८०४ मा राति १ बजे १९७ जना सैनिक घर फर्केका हुन् । नरसिंहदल गण शान्ति सेना २९औं डफ्फा सेनानी कमल थापाको कमान्डमा नेपाल आएको हो । फर्केकामध्ये टोलीका १८८ जना र घर बिदामा नौ जना गरी कुल १९७ जना मध्यरातमा काठमाडौं आइपुगेका हुन् ।

गएराति सोही एअरलाइन्सको उडान नम्बर इटी ८८०१ मा महावीर शौर्य गण शान्ति सेनाको ३०औं डफ्फा प्रमुख सेनानी प्रेमप्रसाद पौडेलको कमान्डमा राति २ बजे त्यता उडेको हो । टोलीमा १८८ जना रहेको बताइएको छ ।