काँग्रेसका मन्त्री हटाइयो, एमालेका सरोज यादव नियुक्त

नेकपा एमाले मधेश प्रदेश सभामा संसदीय दलका नेता सरोजकुमार यादव भौतिक पूर्वाधार तथा विकास मन्त्रीमा नियुक्त भएका छन् । नियुक्ति लगत्तै उनलाई शपथग्रहण गराइएको छ ।

मुख्यमन्त्री सरोजकुमार यादवले पहिलो चरणमा एमालेका यादवलाई मन्त्री नियुक्त गरेका हुन् । यसअघि नेपाली काँग्रेस संसदीय दलका नेता कृष्णप्रसाद यादव भौतिक पूर्वाधार विकास मन्त्री थिए । राजीनामा दिन नमानेपछि उनलाई बर्खास्त गरेर एमालेका यादवलाई सोही मन्त्रालयको जिम्मेवारी दिइएको हो ।

काँग्रेसबाट मन्त्री रहेका आन्तरिक तथा सञ्चार मोहम्मद समिम र स्वास्थ्य तथा जनसंख्या वीरेन्द्र सिंहलाई पनि हटाइएको छ ।