रास्वपा छोडेका रमेश खरेल मातृभूमिमा सामेल
राष्ट्रिय स्वतन्त्र पार्टी (रास्वपा) परित्याग गरेका नेपाल प्रहरीका पूर्वडिआइजी रमेश खरेल नवगठित 'राष्ट्रिय मातृभूमि पार्टी'मा आवद्ध भएका छन् ।
रास्वपा छोडेको एक सातामै उनी यसअघि आफैँ अध्यक्ष रहेको नेपाल सुशासन पार्टीसमेत मिलेर बनेको नयाँ दलमा सामेल भएका हुन् । नेपाल आमा पार्टी, नेपाल सुशासन पार्टी, नयाँ पार्टी नेपाल र राजनीतिक, सामाजिक अभियन्ताहरु मिलेर बनेको 'राष्ट्रिय मातृभूमि पार्टी'बारे जानकारी दिन आज रिपोर्टस क्लवमा आयोजित पत्रकार सम्मेलनमा खरेल उपस्थित भए ।
राष्ट्रियता, जनतन्त्र, सुशासन, संमृद्धि र नेपालवादलाई आदर्श बनाएर राष्ट्रिय मातृभूमि पार्टी स्थापना गरिएको सोक्रममा जानकारी दिइयो ।
खरेल आफैँ नेतृत्वको नेपाल सुशासन पार्टी छोडेर गत वर्ष रास्वपामा प्रवेश गरेका थिए । त्यसलगत्तै बैशाखमा सम्पन्न उपचुनावमा बारा-२ बाट उम्मेदवार बनेका उनले अघिल्लो साता रास्वपा छोडेका थिए ।
ट्रेन्डिङ पोस्ट
टिप्पणीहरू