भाजपाका नवनिर्वाचित सांसद सरकार गठन अगावै काठमाडौंमा

भारतको लोकसभाका नवनिर्वाचित एक सांसद नेपाल आएका छन् । भारतीय जनता पार्टी (भाजपा) को तर्फबाट चुनाव जितेका देवेन्द्र सिंह भोले आज अपराह्न नयाँ दिल्लीबाट काठमाडौँ आइपुगेका हुन् । 

उनी इन्डिगो एयरको उडान नम्बर ६ इ११५५ मा अपराह्न पौने ४ बजे त्रिभुवन अन्तर्राष्ट्रिय विमानस्थलमा उत्रिएको बताइएको छ ।

सात चरणमा भएको लोकसभा चुनावको परिणाम अस्ति सार्वजनिक भएको थियो । भाजपा नेतृत्वको एनडिए गठबन्धनले नरेन्द्र मोदीलाई प्रधानमन्त्रीमा अघि सारेलगत्तै भोले यता आएका हुन् । काम चलाउ प्रधानमन्त्री मोदीले पर्सि बेलुकी पद तथा गोपनियताको तेस्रो पटक शपथ ग्रहण गर्ने समारोहमा प्रधानमन्त्री पुष्पकमल दाहाल प्रचण्ड सहभागी हुनुहुने छ । 

भाजपाका एक जना नेता पनि हिजो नयाँ दिल्लीबाट काठमाडौं आएका छन् । नेता मोहनकुमार कुन्दरिया एअर इण्डियाको उडान नम्बर एआई २११ मा राति साढे ८ बजे आइपुगेका हुन् ।