नयाँ दिल्लीमा प्रधानमन्त्री (फोटो फिचर)

प्रधानमन्त्री पुष्पकमल दाहाल प्रचण्ड हिजो दिउँसो भारतको राजधानी नयाँ दिल्ली पुग्नुभएको छ । बेलुकी राष्ट्रपति भवनमा आयोजित भारतीय समकक्षी नरेन्द्र मोदीको शपथ ग्रहण समारोहमा सहभागी हुनुभयो ।

शपथ ग्रहणपछि प्रधानमन्त्री दाहालले नवनियुक्त भारतीय प्रधानमन्त्री मोदीलाई बधाई दिनुभयो । मोदीको यो लगातार तेस्रो कार्यकाल हो । हिजै साँझ उहाँहरुबीच नयाँ दिल्लीमा संक्षिप्त भेट वार्ता भएको थियो ।

शपथ ग्रहण समारोहमा प्रधानमन्त्री दाहाल र भारतीय राष्ट्रपति द्रौपदी मुर्मुबीच पनि संक्षिप्त शिष्टचार भेट भएको थियो । 

प्रधानमन्त्री आज बिहान नेपाली दूतावासमा आयोजना हुने कार्यक्रममा सहभागी भएर साँझ स्वदेश फर्कनुहुने छ ।