पत्रकार महासंघको चुनाव गराउन हस्ताक्षर अभियान
नेपाल पत्रकार महासंघको स्थगित निर्वाचन कार्यक्रम अघि बढाउन हस्ताक्षर संकलन अभियान थालिने भएको छ । असार १५ भित्र चुनाव सम्पन्न गर्न दबाब दिने उद्धेश्यले श्रमजीवी पत्रकार संघले हस्ताक्षर जुटाउन लागेको हो ।
संघले आज दिँउसो १ बजेदेखि हस्ताक्षर अभियान सञ्चालन गर्न लागेको हो । महासंघको केन्द्रीय कार्यालयमा हस्ताक्षर अभियान सञ्चालन गरिने संघका अध्यक्ष जन्मदैव जैसीले बताए । बेलुका ५ बजेसम्म हस्ताक्षर संकलन गरेर महासंघका प्रतिनिधिलाई बुझाउने उनले जानकारी दिए ।
महासंघले गत जेठ २६ गतेका लागि निर्वाचन तोकेको थियो । तर, सदस्यता शुद्धीकरणलाई लिएर विवाद भएपछि अन्तिम समयमा निर्वाचन स्थगित गरिएको हो ।
टिप्पणीहरू