रुपन्देहीबाट छानिएर को को आउँदैछन् एसमा प्रतिनिधि ?

नेकपा एकीकृत समाजवादीको १० औं महाधिवेशनका लागि प्रतिनिधि छनौट अन्तिम चरणमा पुगेको छ । महाधिवेशन असार १६ देखि २० गतेसम्म काठमाडौंमा हुँदै छ ।

सोही क्रममा रुपन्देही जिल्ला निर्वाचन क्षेत्र नम्बर २ मा मतदान भएको छ । खुल्लातर्फ चार जनाको लागि सात जना र महिलातर्फ एक जनाको निम्ति दुई जना उम्मेदवार थिए ।

खुल्लातर्फ कमल भण्डारी, शंकर घर्ती,रामचन्द्र भट्टराई,भीम बहादुर पोखरेल,हिराध्वज शाह, कमलराज बस्याल, कृष्णबहादुर थापा, महिलातर्फ सरिता श्रीस र शारदा पहारी उठेको बुझिएको छ ।

८७८ जना प्रतिनिधिमध्ये केन्द्रीय कमिटीका ३४६ र केन्द्रीय आयोगबाट १०४ जना स्वतः प्रतिनिधि चयन भएका छन् । पार्टीले आफ्ना डेढ लाख संगठित सदस्य रहेको दाबी गरेको छ ।