जलपानपछि मन्त्रीहरु कोही सोझै सिंहदरबार, केही लैनचौर हुँदै
प्रधानमन्त्री केपी शर्मा ओलीले पदभार ग्रहण गर्नुअघि सहिद स्मारकमा माल्यार्पण गर्नुभएको छ । राष्ट्रपति कार्यालय शीतल निवासमा सपथ ग्रहणपछि आयोजित चियापान कार्यक्रममा सहभागी भएपछि उहाँ पत्नी राधिका शाक्यसँगै सहिद स्मारक, लैनचौर पग्नुभएको हो ।
स्मारकमा उहाँले सेतो फूलको माला अर्पण गर्नुभयो । लैनचौर सहिद स्मारकपछि उहाँ ललितपुरको च्यासलस्थित एमाले पार्टी कार्यालय पुग्नुभएको छ ।
त्यस्तै, उपप्रधान तथा अर्थमन्त्री विष्णु पौडेल, उपप्रधान तथा शहरी विकासमन्त्री प्रकाशमान सिंह, परराष्ट्रमन्त्री डा.आरजू राणालगायत मन्त्रीहरुले पनि स्मारकमा फूल चढाउनु भएको छ ।
त्यसपछि मन्त्रीहरु कार्यभार सम्हाल्न लैनचौरबाट मन्त्रालय जानुभएको हो । केही मन्त्रीले भने चियापान कार्यक्रमपछि सोझै सिंहदरबार पुगेर कार्यभार सम्हालेका थिए ।
टिप्पणीहरू