अमेरिकी र चिनियाँ राजदूतलाई भ्याइनभ्याई

नेपालका लागि अमेरिकी र चिनियाँ  राजदूतहरु पछिल्लो साता प्रधानमन्त्री केपी शर्मा ओलीलगायत विभिन्न मन्त्रीसँगको भेटमा व्यस्त हुनुहुन्छ । उहाँहरुले हिजो पनि सिंहदरबार पुगेर केही मन्त्रीसँग भेटवार्ता गर्नुभएको थियो ।

अमेरिकी राजदूत डिन आर थम्पसन बिहान १० बजेदेखि झण्डै ५० मीनेट उपप्रधान तथा अर्थमन्त्री विष्णुप्रसाद पौडेलसँग शिष्टाचार भेट गरी गृहमन्त्री रमेश लेखकसँग भलाकुसारी गर्न गृह मन्त्रालय जानुभयो । बिहान पौने १२ बजेदेखि सो कुराकानी आधा घण्टासम्म चलेको थियो ।

हिजै चिनियाँ राजदूत छन सोङले उपप्रधान तथा अर्थमन्त्री विष्णुप्रसाद पौडेलसँग शिष्टाचार भेट गर्नुभयो । उहाँहरुबीच दिउँसो साढे २ बजेदेखि ३ बजेसम्म मन्त्रालयमा कुराकानी भएको बुझिएको छ ।