६ जिल्लामा फैलियो हैजा, धेरै संक्रमित ललितपुरमा
देशका ६ जिल्लामा हैजा फैलिएको छ । स्वास्थ्य तथा जनसंख्या मन्त्रालयअन्तर्गत इपिडिमियोलोजी तथा रोग नियन्त्रण महाशाखाको तथ्यांकअनुसार साउन ४ गतेयता ६ जिल्लाका ७५ जनामा हैजा पुष्टि भएको हो ।
काठमाडौंमा १०, कैलालीमा ८, रोल्पामा ४, प्युठानमा २ र मकवानपुरमा १ जनामा हैजाको संक्रमण देखिएको हो । हैजा लागेका ७५ जनामा ७४ जना निकोसमेत भइसकेका छन् । एक जना भने अस्पतालमा उपचाररत रहेको महाशाखाले जनाएको छ ।
हैजा संक्रमण दूषित पानी तथा खानेकुराको सेवनबाट हुन्छ । विगतमा महामारीको रुप लिएको यो रोगबाट बच्न महाशाखाले विशेष गरी पानी शुद्धिकरण गरेर मात्र पिउन आग्रह गरेको छ ।
ट्रेन्डिङ पोस्ट
टिप्पणीहरू