संविधान !
-अनन्तराज लुईंटेल
जेठो दाजु चार सालको
न त बाँच्नु न त मर्नु
गर्न के नै गर्यो ।
माइलो दाजु सात सालको
जनता जनता भन्दै
साइँलो दाजु राम्रो थियो
सबको प्यारो बन्यो
छोटो जीवन यसको थियो
चाँडै अन्त्य भयो ।
काइँलो दाजु कडा थियो
हट्टाकट्टटा चल्यो
तीस वर्षे जोवनभरी
गर्नु उधुम गर्यो ।
चोरडाँका र लाउकेलाई
जेलको हावा ख्वायो
नेतागिरी गुण्डागिरी
सबको बेहाल गर्यो ।
ठाइँलाे दाजु नरम थियो
सबलाई माया गर्यो
भ्रष्टाचारी पापाचारी
उधुम मात्रै गर्यो ।
अन्तरे दाजु ठीकै थियो
सबलाई माया गर्यो
जंगलबाट मंगल गर्न
यसले बाटो खोल्यो ।
कान्छो भाई सातौँ भयो
जनताकै सातो खायो
सबका सबलाई खाडी पठाई
गर्नु मोज गर्यो ।
गुण्डालाई मन्त्री दियो
मन्त्रालयलाई ठेक्का
मन्त्रीले छान्छ न्यायाधीश यहाँ
भएन अझै हेक्का ।
(संविधान दिवस २०८१ को अवसरमा सामाजिक सञ्जालमा प्रेषित कविता साभार गरिएको ।)
ट्रेन्डिङ पोस्ट
टिप्पणीहरू