तिहारका तस्बिर सेयर गर्ने क्रम जारी

तिहार सकिए पनि समाजिक सञ्जालमा दिपावलीको झिलिमिली र भाइटीकाका तस्बिर पोष्ट गर्ने क्रम जारी छ । सर्वसाधारणले झैँ केही कलाकारहरुले पनि हिजो र अस्तिका फोटोहरु आज हालेका छन् । 

उनीहरुमध्ये कतिपले स्वदेशमै र केहीले विदेश पुगेर भाइटीका लगाएका हुन् । अभिनेता पल शाहले न्युजिल्याण्ड पुगेर बहिनीको हातबाट टीका लगाएको फोटो सेयर गरेका छन् । उनी पाँच दिनअघि त्यहाँ पुगेका हुन् । 

अभिनेता अनमोल केसीले पनि दुई दिदिबहिनीसँग टीका लगाएको तस्बिर सेयर गरेका छन् । दिदिबहिनीले टीकासँगै अनमोलको दुवै गालामा चुम्बन गरेर खुशी साटेका छन् ।

महानायक राजेश हमालले दिदीसँग टीका लगाएका हुन् । अभिनेत्रीहरु स्वस्तिमा खड्का, आँचल शर्मा, वर्षा शिवाकोटीलगायतले पनि दाजुभाइलाई टीका लगाइदिएको सामाजिक सञ्जालमा देख्न सकिन्छ । कलाकारहरुले तिहार सेलिब्रेसनको भिडियो र फोटोहरु सार्वजनिक गर्ने क्रम जारी छ ।