प्रेमीको लिङ्ग चक्कुले च्वाट्टै पारेपछि प्रेमिका भन्छिन् ‘कुनै पश्चाताप छैन’

प्रेममा धोका पाएकी एक जना भारतीय युवतीले प्रेमीको लिङ्ग काटिदिएकी छन् । उत्तर प्रदेशको मुजफ्फरनगरमा भएको उक्त घटना एहतशाम उर्फ बबलू नाम गरेका युवकको लिङ्ग काटिएको छ ।

एउटी २२ वर्षीया युवती आठ वर्षदेखि बबलूसँगको प्रेममा थिइन् । सँगै जिउने र सँगै मर्ने कसम थियो उनीहरुको । तर केही महिनाअघि युवकले अर्कै केटीसँग बिहे गर्ने तय गरे । प्रेमीले अर्कैसँग बिहे गर्ने कुरो थाहा पाएपछि युवतीलाई तनाव भयो र बदला लिने सोचिन् ।

सिभिल लायन्स प्रहरी चौकीका अनुसार युवतीले सुरुमा एउटा रेष्टुरेण्टमा भेट्न बोलाइन् । त्यहाँ उनीहरुले साँझको डिनर खाएपछि नजिकैको होटलमा बास बसे । राति एक पटक शारीरिक सम्बन्ध राखेको प्रहरीसँगको बयानमा युवतीले खुलाएकी छन् । शारीरिक सम्बन्धपछि युवक निदाए । सोही मौकामा युवतीले आफ्नो ब्यागबाट चक्कु निकालेर युवकको लिङ्ग काटिदिएको प्रहरी अनुसन्धानबाट खुलेको छ । 

टनालगत्तै युवती भाग्न खोजिन्, ,तर युवकको चर्को चिच्याहटले होटलका अन्य पाहुना र कर्मचारी एकैछिनमा जम्मा भए । लिंग काटिएका गम्भीर अवस्थाका युवकको मेरठ मेडिकल कलेजमा उपचार भइरहेको छ ।

पक्राउ परेकी युवतीले प्रहरीसमक्ष प्रेममा धोक दिएको बदला लिङ्ग काटिदिएको र यसमा आफूलाई कुनै पश्चाताप नभएको सगर्व बयान दिएकी छन् ।