पत्रकार सम्मेलनमा भावी योजना सार्वजनिक गर्ने भीम रावलको तयारी
एमालेबाट निष्कासित पूर्व उपाध्यक्ष डा. भीमबहादुर रावलले पत्रकार सम्मेलन गरेर भावी योजना सार्वजनिक गर्ने भएका छन् । भोलि दिउँसो १ बजे माइतीघर हाइटको कार्की ब्याङ्क्वेटमा पत्रकार सम्मेलन राखिएको छ ।
उनले आज बिहान आफनो निवास टोखामा डडेलधुराका दुई प्रभावशाली नेता पूर्वसांसद् कर्ण मल्ल र स्वतन्त्र सांसद् डा. तारा जोशीसँग भेटवार्ता गरेका छन् । दुई दशकसम्म काँग्रेस सभापति शेरबहादुर देउवाको चुनावी कमाण्डर बनिसकेका मल्ल र एमाले हुँदै ‘स्वतन्त्र सांसद्’ बनेका जोशीले रावलको भावी राजनैतिक कदमबारे आफूहरू सकारात्मक रहेको जानकारी दिएका थिए ।
अध्यक्ष केपी शर्मा ओलीको ‘कार्यशैली’को आलोचना गरेकै कारण एमालेबाट निकालिएका नेता रावलले आगामी ‘राजनीतिक यात्रा’बारे नेता–कार्यकर्तासँगको परामर्शलाई पछिल्ला दिनमा थप गति दिएका छन् ।
टिप्पणीहरू