कुलमानको पक्षमा नारा लाउँदै हिँडेका बहुमतका मान्छे सिंहदरबारबाट गिरफ्तार
नेपाल विद्युत् प्राधिकरणका कार्यकारी निर्देशक कुलमान घिसिङलाई पदबाट हटाउने सरकारको निर्णयविरुद्ध नेकपा बहुमत पनि सडकमा ओर्लिएको छ ।
बहुमतका कार्यकर्ताले आज अपराह्न सिंहदरबारको दक्षिण गेटमा उभिएर सरकारको विरोध गरे । कुलमानलाई गैरन्यायिक र प्रतिशोधपूर्ण तरिकाले हटाएको विरुद्ध प्रदर्शनमा उत्रिएका १२ जना आन्दोलनकारीलाई प्रहरीले नियन्त्रणमा लिएको उक्त पार्टीले जनाएको छ ।
पक्राउ पर्नेमा पार्टीका नेता ध्रुव, दर्शन, प्रलाद, अखिल (क्रान्तिकारी) का केन्द्रीय अध्यक्ष वीरेन्द्र शाह, उपाध्यक्ष रुपा बुढामगर, सर्जन पाण्डे, लक्ष्मी शाह, दिनेश नेपाली र समिर बिक लगायत रहेको बताइएको छ ।
सोमबार बसेको क्य्याविनेट बैठकले कुलमानलाई पदबाट हटाउने निर्णय गरेको थियो । सत्तारुढ नेपाली कांग्रेसकै एकथरी नेताले उक्त निर्णयको विरोध गरिरहँदा आज दिनभर विभिन्न राजनीतिक दल, संघ संगठन र समूहले काठमाडौँमा प्रदर्शन गरेका छन् ।
तस्बिरहरु
ट्रेन्डिङ पोस्ट
टिप्पणीहरू