कसले चलाउँदै छ प्रचण्ड पत्नीको फेसबुक ?

कसले चलाउँदै छ प्रचण्ड पत्नीको फेसबुक ?

माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल (प्रचण्ड) की स्वर्गीय जीवन संगिनी सीता दाहाललाई नचिन्ने सायद कमै होलान् । कम्युनिष्ट राजनीतिज्ञ तथा माओवादी नेत्री उनी देश र जनताको स्वतन्त्रताका लागि द्वन्द्वकालमा श्रीमान्सँगै भूमिगत गएकी थिइन् । लामो समय पार्किन्सनजस्तो देखिने एक जटिल रोगबाट थलिएकी उनको २०८० असार २७ गते हृदयाघातबाट निधन भएको थियो । 

आश्चर्यलाग्दो कुरा के भने उनको फेसबुक अकाउण्ट अहिले पनि चलिरहेको छ । गत मार्च २३ मा ‘सीता दाहाल’ नामक अकाउण्टमा तस्बिर अपलोड भएको देखिन्छ । जबकि, लामो समयदेखि त्यस पेजमा कुनै पोष्ट भएको थिएन ।

तस्बिरमा उनी कालो चस्मामा कुर्ता सुरुवाल लगाएर उभिएकी छन् । सो अकाउण्टमा छोरी गंगा दाहाल, चितवनको भरतपुर महानगरपालिकाकी मेयर रेनु दाहाललगायत थुप्रै उच्चपदस्थहरू साथी छन् । स्वर्गीय व्यक्तिको फेसबुक पेज एकाएक ‘एक्टिभेट’ भएपछि उनको अकाउण्ट कसले चलाइरहेको छ ? भन्ने सवाल खडा भएको छ ।

अकाउण्ट ह्याक भएको हुन सक्ने अनुमान पनि लगाइएको छ । एक जना सामाजिक सञ्जाल प्रयोगकर्ताले तस्बिरमा कमेण्ट गर्दै लेखेका छन्, ‘कसले ब्युँतायो फेरि !’ अन्यले पनि बन्द भइसकेको अकाउण्ट कसले चलायो ? भन्दै चासो व्यक्त गरेका छन् ।
 

टिप्पणीहरू