नेकपा एसनिकट खेलकुद महासंघका नवनिर्वाचित पदाधिकारीद्धारा शपथ ग्रहण

नेकपा एकीकृत समाजवादी पार्टीनिकट नेपाल खेलकुद महासंघ समाजवादीको राष्ट्रिय महाधिवेशन सम्पन्न भएको छ । राजधानीको थापागाउँमा हिजो र आज भएको महाधिवेशनले नयाँ कार्यसमिति चुनेको हो । अध्यक्षमा अर्जुनभक्त राई निर्वाचित भएका छन् । त्यसैगरी, वरिष्ठ उपाध्यक्षमा नारायण दास गमान, उपाध्यक्षमा शंकर थापा, शिवप्रसाद डाँगी, दिपकबहादुर सिंह, ज्ञानेन्द्र तिमल्सेना, रिता कोइराला, गोपाल न्यौपाने, आकाश पटेल, महिला उपाध्यक्षमा राधिका ऐर हमाल चुनिएका छन् ।

महासचिवमा अनिलकुमार रिजाल, उपमहासचिवमा रविन्द्र राई, राम पुडासैनी, उत्तम श्रेष्ठ, प्रबिन केसी, महिला उपमहासचिवमा रजुला जोशी, सचिवमा कैलास विष्ट, अर्जुन मेचे, मनोजकुमार राई, विवेक अर्याल, किशोर श्रेष्ठ, दिलकुमार नेपाल, अच्युत खनाल र महिला सचिवमा रेश्मा केसी निर्वाचित भएका छन् । भूगोल सदस्यमा ७५ जना निर्वाचित भएका छन् । निर्वाचित पदाधिकारी र सदस्यहरुलाई पार्टीका वरिष्ठ उपाध्यक्ष राजेन्द्रप्रसाद पाण्डेले आजै शपथ ग्रहण गराएका छन् ।