म्यान्मारमा पहिलो खेपको राहत सामग्री पुर्याएर सैनिक जहाज फिर्ता

म्यान्मारका भूकम्प प्रभावितका लागि आपतकालीन राहत सामग्री पुर्याएर नेपाली सेनाको टोलि फर्किएको छ । 

प्रमुख सेनानी जयराम थापाको कमाण्डमा एनए-०६२ कासा जहाज खाद्यान्न, लत्ताकपडा र मेडिकल सामग्री लिएर हिजो म्यान्मार पुगेको थियो । सेनाले राहत सामग्रीसँगै उद्धार टोलीसमेत पठाएकोमा साँझ क्रु मेम्बरसहित छ जनामात्रै स्वदेश फर्किएका हुन् । 

कमाण्डर रामसुन्दर बोहोरासहित ६ जनालाई लिएर सैनिक जहाज साँझ पौने सात बजे त्रिभुवन अन्तराष्ट्रिय विमानस्थल मध्यएयर वेशमा अवतरण गरेको बताइएको छ । 

गत शुक्रबार गएको ७.७ म्याग्निच्युडको विनाशकारी भूकम्पले  म्यानमारमा ठूलो धनजनको क्षति पुर्‍याएको छ । अहिलेसम्म एक हजार भन्दा बढीको ज्यान जानुका साथै साढे २ हजार हाराहारीमा मानिसहरु घाइते भएको त्यहाँको सरकारी संयन्त्रले जानकारी दिएको छ । 

मृत्यु हुनेमा १७ जना नेपालीभाषीसमेत रहेको बताइएको छ ।