नेकपा एसको केन्द्रीय सचिवालयको बैठक बस्दै

नेकपा एकीकृत समाजवादी पार्टीको केन्द्रीय सचिवालयको बैठक बस्ने भएको छ । पार्टी मुख्यालय आलोकनगरमा आज दिँउसो २ बजेका लागि बैठक बोलाइएको हो । 

बैठकमा समसामयिक राजनीतिबारे छलफल हुने बताइएको छ । त्यसैगरी, पार्टीले गरिरहेको आन्दोलनको विषयमा पनि छलफल गरिने जानकारी दिइएको छ । 

पार्टीले ‘सुशासन र रोजगारी, समाजवादको तयारी’ भन्ने नाराका साथ गत चैत १ गतेदेखि आन्दोलन शुरु गरेको थियो । तर, राजावादी आन्दोलनले पार्टीको आन्दोलन प्रभावित भएपछि कार्यतालिका संशोधन गरेर पहिलो चरणको कार्यक्रम सार्वजनिक गरिएको छ ।