उत्तर कोरियाली नेता रेलमा बेइजिङ प्रस्थान,अन्य नेताको थिएन्चिनबाट आगमन

चीनको राजधानी बेइजिङमा भोलि हुन लागेको सैन्य परेडमा सहभागी हुन उत्तर कोरियाली नेता किम जोङ उन प्योङ्याङबाट रेलमा प्रस्थान गरेका छन् । आफ्नो मुलुकभन्दा बाहिर गुमनाम किम लामो समयपछि विदेशमा सार्वजनिक हुन लागेका हुन् ।

चीनले जापानी अतिक्रमणकारी युद्ध र विश्व फासिवाद युद्धमा विजयी भएको ८० औं वार्षिकोत्सवका उपलक्ष्यमा आयोजना गर्न लागेको सैन्य परेडमा सहभागी हुन थिएन्चिनबाट विश्वका केही नेताहरु फास्ट ट्रेन चढेर बेइजिङ पुग्ने क्रम जारी छ । प्रधानमन्त्री केपी शर्मा ओली आज रेल चढेर त्यहाँ पुग्दै हुनुहुन्छ । अन्य केही देशका नेता गएराति नै बेइजिङ पुगेको चिनियाँ समाचार समिति सिन्ह्वाले जनाएको छ ।