समातिने गरी किन ओसार्छन् अदृश्य सम्पत्ति ?
प्रहरीले अवैध रकम ४३ लाख र छड्के तिलहरीको पोते ९ थान सहित एक जनालाई नागढुंगास्थित चेकप्वाईन्टबाट पक्राउ गरेको छ ।
हिजो दाङ,तुलसीपुरबाट काठमाण्डौतर्फ आउदै गरेको प्रदेश ३–०१–००–६ ख ०९१२ नम्बरको यात्रुवाहक बसलाई प्रहरीले चेक जाँच गर्ने क्रममा नगद र सामान बेवारिसे अवस्थामा फेला पारिएको हो । प्रहरीले खानतलासी लिने क्रममा बसको यात्रु हिंड्ने प्यासेजमा टेप लगाइएको कार्टुन बेवारिस देखेपछि बरामद गरिएको बताइन्छ ।
कार्टुनमा हरियो रङको छड्के तिलहरिको पोते ९ थान,नेपाली रुपैयाँ १ हजार दरको ३ हजार ९ सय थान र ५ सय दरको ८ सय थान गरी ४३ लाख राखिएको थियो । रकम र सामानको बारेमा सोधपुछ गर्दा तुलसीपुर उपमहानगरपालिका–५, दाङ घर भएका ३७ वर्षीय सन्दिप कौशलले आफ्नो रहेको बताएका थिए ।
कौशलले नगदको स्रोत खुलाउन नसकेपछि प्रहरीले उक्त रकम अवैध हुनसक्ने आशंकामा पक्राउ गरी उनीसहित बरामद ४३ लाख रुपैयाँ र ९ थान पोतेको बारेमा थप अनुसन्धान भइरहेको बताइएको छ ।
टिप्पणीहरू