आज कोरोनाबाट १२ को मृत्यु, ३५ सय बढीमा संक्रमण

सोमबार नेपालमा कोरोना भाइरस संक्रमणका कारण थप १२ जनाको मृत्यु भएको छ । पछिल्लो केही दिन यता भाइरसको संक्रमणबाट दिनप्रतिदिन ज्यान गुमाउनेको संख्या बढ्दो छ ।

स्वास्थ्य तथा जनसंख्या मन्त्रालयले जारी गरेको सिट रिपमा पछिल्लो २४ घण्टामा थप १२ हजार ४ सय जनामा गरिएको पीसीआर परिक्षणमा ३ हजार ४ सय ४२ तथा ८ सय ९३ जनामा गरिएको एन्टिजेन परिक्षणमा १ सय १४ गरी कुल ३ हजार ५ सय ५६ जनामा कोरोना भाइरस संक्रमण पुष्टि भएको उल्लेख छ ।

त्यसैगरी यसबीचमा २ सय ८७ जना कोरोना भाइरस संक्रमणमुक्त भएका छन् । हालसम्म कोरोनाबाट ज्यान गुमाउनेको संख्या ३ हजार १ सय ७६ पुगेको छ ।