कोरोनाका कारण सँसदका उपसचिवको मृत्यु

कोरोना भाइरस संक्रमणका कारण संघीय संसदका एक उपसचिवको ज्यान गएको छ ।

आज बिहान उपसचिव कृष्णराज खनालको मृत्यु भएको संसद सचिवालयले पुष्टि गरेको छ । खनाल सचिवालयको कानुन शाखामा कार्यरत थिए ।

अस्ति बुधबार सचिवालयले स्वाब परीक्षण गर्दा रिपोर्ट पोजेटिभ आएको थियो। रिपोर्ट पोजेटिभ देखिएपछि चन्द्रागिरी–१२ स्थित घरमै आइसोलेसनमा बसेका थिए ।

मूलघर तनहुँ भएका उनको केही समयअगाडि पत्थरीको शल्यक्रिया गरिएको थियो । आज बिहान गाह्रो भएपछि उनलाई कलंकीस्थित शहिद ममोरियल अस्पताल लैजाने क्रममा मृत्यु भएको संसद सचिवालयले जनाएको छ।