आइतबार कुन कुन ठाउँमा नियुक्ति गरिँदै ?

वैशाख २७ गते सोमवार प्रतिनिधिसभाबाट विश्वासको मत लिन तयार हुनुभएका प्रधानमन्त्री केपी ओलीले त्यसको अघिल्लो दिन २६ गते बिहान ९ बजे थप केही नियुक्तिको निम्ति संवैधानिक परिषद्को बैठक डाक्नुभएको छ ।

लोकसेवा आयोगका अध्यक्षसहित पूरै पदाधिकारी,अख्तियारमा सावित्री गुरुङ्ग र गणेश जोशीको ठाउँमा दुई आयुक्त, निर्वाचन आयोगमा एक आयुक्त, बित्त,समावेशी आयोग भर्न बाँकी नै छ । यी ठाउँमा नियुक्तिको निम्ति सिफारिस गर्ने तयारी रहेकोे बताइन्छ । बैठकमा सभामुखले नजाने भनिसक्नुभएको छ,प्रमुख प्रतिपक्षी दलका नेता शेरबहादुर देउवाको टुङ्गो छैन । राष्ट्रिय सभा अध्यक्ष,प्रधानन्यायाधीश र प्रधानमन्त्री तीन जनाले टुङ्ग्याउने गरी अध्यादेशबाट ऐन सँशोधन गरिसकिएको छ । अदालतमा बिचाराधीन यसअघिको नियुक्तिसम्बन्धी मुध्दाकै टुंगो लागेको छैन । अब हुने नियुक्तिबिरुध्द रिट पर्नलाई पनि अदालत बन्द छ ।