एक से एक प्रखर व्यक्तित्वहरुको देहावसान

नेकपा (एमाले) नवलपरासी (पश्चिम) का अध्यक्ष शिवलाल कॅडेलको कोभिड-१९ संक्रमणका कारण निधन भएको छ ।

आजै काठमाण्डौमा पत्रकार दिनेश दाहाललाई समेत कोरोनाले चुँडेर लगेको छ । काभ्रेको मेथिनकोट भकुन्डे घर भै राजधानीबाट पत्रकारितामा क्रियाशील दाहाल कोभिडका कारण अस्पतालमा हुनुहुन्थ्यो । पिसिआर नेगेटिभ आएर हिजो मात्र वार्डमा सारिएको थियो । तर फोक्सोले स्वास लिन दिन सकेन र उहाँले देहत्याग गर्नु भयो ।

उता अग्रज पत्रकार मणिराज उपाध्यायद्वारा लामो समयसम्म चलाइएको चर्चित “समाज दैनिक” का ब्यवस्थापक तथा दिवङ्गत उपाध्यायका छोरा ब्रजेश शर्माको पनि कोरोनाका कारण प्राणान्त भएको छ ।

दिवङ्गत सबैलाई जनआस्था परिवारको भावपूर्ण श्रध्दान्जली । शोकाकूल परिवारजनमा हार्दिक समवेदना ।