रेमडिसिभिर कालोबजारी गर्ने पक्राउ
बाँकेमा ‘रेमडिसेभिर’ ईन्जेक्सनको कालोबजारी बढ्दै गएको छ ।
आवश्यक परेका व्यक्तिहरुले नपाइरहेको अवस्थामा यसको कालोबजारी बढ्दै गएपछि कालोबजारी गर्नेहरु प्रहरीको फन्दामा पर्न थालेका छन् ।
बजारमा साढे ५ हजारसम्ममा बिक्रि हुने सो ईन्जेक्सन कालोबजारी गरी २५ हजारमा प्रति भाईल बिक्रि गर्ने गरेको पाइएको छ ।
कोरोना संक्रमितको लागि उपचारमा ‘रेमडिसेभिर’ ईन्जेक्सन सहयोगी बनेता पनि बजारमा अभाव देखाएर महङ्गोमा विक्री गर्नेहरुलाई बाँके प्रहरीले पक्राउ गरेको छ ।
वडा प्रहरी कार्यालयबाट बुधवार खटेको टोलीले नेपालगञ्ज–८ का २३ वर्षिय मो जाबेद अन्सारी र नेपालगञ्ज–११ का २५ वर्षिय हारुन अन्सारीलाई पक्राउ गरेको हो ।
उनीहरुलाई २ भाईल ‘रेमडिसेभिर’ ईन्जेक्सन ५० हजारमा बिक्रि गरेको आरोपमा नेपालगञ्ज श्रृष्टिहल नजिकबाट नियन्त्रणमा लिएको प्रहरीले जनाएको छ ।
टिप्पणीहरू