बैशाख २० गते स्थानीय तहको निर्वाचन गर्ने प्रमुख निर्वाचन आयुक्तको खुलासा

प्रमुख निर्वाचन आयुक्त दिनेशकुमार थपलियाले स्थानीय तहको निर्वाचन आगामी बैशाख २० गते गर्ने तयारीमा आयोग जुटेको खुलासा गर्नुभएको छ ।

आयोगले धुलिखेलमा हिजो गरेको ‘निर्वाचन सञ्चालन र व्यवस्थापन सम्बन्धी पत्रकार महिलाहरुसँग कार्यशाला गोष्ठी’ लाई सम्बोधन गर्दै थपलियाले उक्त जानकारी दिनुभएको हो । उहाँले हालका जनप्रतिनिधिहरुको पाँच वर्षे अवधि पूरा हुन लागेकाले २०७९ वैशाख २० गते ७ सय ५३ वटै स्थानीय तहको निर्वाचन गर्ने तयारीमा आगोग जुटिरहेको उल्लेख गर्नुभयो ।

स्थानीय सरकार रिक्त रहने विषय र सम्भावनाको कल्पना समेत गर्न नसकिने भन्दै उहाँले उल्लेख गर्नुभयो, ‘उहाँहरुको अवधि थप गर्ने व्यवस्था नभएको कारण वैशाखभित्र नै तोकिएको समयमा निर्वाचन हुन्छ ।’