फेसवूक ग्रुपले दियो मिर्गौला बिरामीलाई नगद

खोटाङका युवाले सञ्चालन गरेको एक फेसवूक ग्रुपले दुवै मिर्गौला फेल भएकी बालिकालाई उपचार खर्च दिएको छ । ‘क्षेत्रीडाँडो फेसवूक ग्रुप’ नामको सो फेसबुक ग्रुपले खोटेहाङ गाउँपालिका-४ बड्कादियालेकी १४ वर्षीय कविता विश्वकर्मालाई १० हजार सहयोग गरेको हो ।

जन्तेढुंगा गाउँपालिका-५ चिसापानी घर भई हाल इटहरी बस्दै आएका युवा उमेश कोइरालाले उक्त फेसवूक ग्रुप सञ्चालनमा ल्याएका हुन् ।दुवै मिर्गौला फेल भएपछि हाल त्रिभुवन शिक्षण अस्पताल काठमाडौँमा उपचाररत विश्वकर्माको उपचारमा सहयोग पुर्‍याउने लक्ष्यका साथ फेसवूक ग्रुपमार्फत सहयोग जुटाएर हस्तान्तरण गरिएको ‘क्षेत्रीडाँडो फेसबुक ग्रुप’का एड्मिन कोइरालाले जानकारी दिए ।