बाबुसँग मिलेर श्रीमतीको हत्या

कपिलवस्तुका एक युवकले बाबुसँग मिलेर श्रीमतीको हत्या गरेका छन् । यशोधरा गाउँपालिका ८ सिहंखोर बस्ने रहिसुन निसाको ससुरा र श्रीमान मिलेर हिजो हत्या गरेको प्रहरीले जनाएको छ ।

घटनामा संलग्न रहेका बाबु छोरा दुबैलाई प्रहरीले हिजो साँझ नियन्त्रणमा लिएको छ । पक्राउ पर्नेमा स्थानीय २२ वर्षीय महम्मद नसिम अलिभाट र मृतकका ससुरा ५० वर्षीय अब्बास अलिभाट हुन् ।

प्रहरीका अनुसार उनीहरुले रहिसुनलाई झुण्डाएर हत्या गरी शव गाडेर सद्गद् समेत गरिसकेका थिए । स्थानीयले प्रहरीलाई जानकारी दिएपछि मात्रै घटना सार्वजनिक भएको थियो ।

उनीहरुले के कति कारणले निसाको हत्या गरेका हुन् भन्नेबारे अनुसन्धान भइरहेको प्रहरीको भनाइ छ ।