मध्यराति बाबुको टाउकोमा मार्तोल बजार्ने सुमन समातिए

आफ्नै बाबुको हत्या गरेको अभियोगमा संखुवासभाका एक युवा पक्राउ परेका छन् । सभापोखरी गाउँपालिका-२ का १८ वर्षीय सुमन दर्जीलाई बाबु हत्याको अभियोगमा प्रहरीले आज समातेको हो ।

हिजो राती साँढे २ बजे ५२ बर्षीय बुबा दलबहादुर दर्जीलाई फलामको मार्तोलले टाउकोमा प्रहार गरेर सुमनले हत्या गरेका थिए । मार्तोलको चोटले दर्जीको घटनास्थलमा नै मृत्यु भएको प्रहरीले जनाएको छ ।

अहिलेसम्म हत्याको कारण स्पष्ट हुन सकेको छैन । घटनाबारे थप अनुसन्धान भइरहेको जिल्ला प्रहरी कार्यालय संखुवासभाले जनाएको छ ।