तास खेल्ने र खेलाउने ५ जना प्रहरी खोरमा
चितवनमा तास खेल्ने र खेलाउने पाँचै जना समातिएका छन् । जिल्ला प्रहरी कार्यालय चितवनका अनुसार शनिबार दिउँसो जुवा खेल्ने र खेलाउने पाँच जना पक्राउ परेका हुन् ।
पक्राउ पर्नेमा खैरहनी नगरपालिका वडा नम्बर ८ का प्रेमप्रसाद महतो, वडा नम्बर ६ का सुशिल रिजाल, वडा नम्बर ८ का दिपक महर्जन, सोही ठाउँका नीलबहादुर पुन तथा वडा नम्बर ६ का दामोदर बस्नेत हुन् ।
उनीहरुलाई दिउँसो ४ बजेको समयमा सुर्तेनी भन्ने स्थानमा जुवा खेलिरहेको अवस्थामा प्रहरीले पक्रेको हो । प्रहरी टोलीले उनीहरुको साथबाट नगद ७६ हजार ८ सय २० रुपैया र तास ३ बुक समेत बरामद गरेको छ ।
ट्रेन्डिङ पोस्ट
टिप्पणीहरू