चितुवाको छाला र हड्डी लिएर हिँडेका सार्की समातिए

हुम्लामा चितुवाको छाला र हड्डीसहित एक पुरुष समातिएका छन् । ताजाकोट गाउँपालिका-४ उत्तीसैनीका ३७ वर्षीय सुनिल सार्कीलाई आज प्रहरीले पक्राउ गरेको हो ।

चितुवाको एक थान छाला र हड्डीहरुसहित उनलाई पक्राउ गरेको जिल्ला प्रहरी कार्यलयले जनाएको छ ।

छप्रेला बजारस्थित पसलमा शंकाष्पद अवस्थामा रहेका उनको साथबाट प्रहरी चौकी छप्रेला ताजाबाट गस्तीमा खटिएको प्रहरी टोलीले उक्त छाला र हड्डीसहित सार्कीलाई पक्रेको हो । पक्राउ परेका सार्कीमाथि थप अनुसन्धान भईरहेको प्रहरीले बताएको छ ।