महोत्तरीमा १ सय लिटर मदिरा पोखियो
महोत्तरीका चार भट्टी पसलमा प्रहरीले छापा मारेको छ । हिजो राति भट्टी पसलमा छापा मारेर प्रहरीले घरेलु मदिरा नष्ट गरेको हो ।
भट्टी पसलमा अवैध रुपमा मदिरा उत्पादन भइरहेको सूचनाका आधारमा बल्वा नगरपालिकास्थित प्रहरी टोलीले झण्डै ६ सय ५० लिटर कच्चा पदार्थ र एक सय लिटर मदिरा नष्ट गरेको हो ।
विनोद साह, अरुण चौधरी, श्याम महतो र दिलीप साहले सञ्चालन गरेका भट्टी पसलबाट मदिरा र कच्चा पदार्थ जफत गरेर नष्ट गरिएको जिल्ला प्रहरी कार्यालय महोत्तरीका सूचना अधिकारी प्रकाश विष्टले जानकारी दिए ।
चारै जना भट्टी पसल सञ्चालकलाई अबदेखि मदिरा उत्पादन नगर्ने सर्तमा स्थानीय जनप्रतिनिधि र स्थानीयको रोहबरमा छाडिएको जिल्ला प्रहरी कार्यालय महोत्तरीले जनाएको छ ।
ट्रेन्डिङ पोस्ट
टिप्पणीहरू