आमाको मुख हेर्ने अघिल्लो दिन छोराले हानेको ढुंगाले पिता ठहरै

प्युठानमा बुबाको हत्या गरेको आरोपमा प्रहरीले छोरालाई पक्राउ गरेको छ । नौबहिनी गाउँपालिका–४ खबाङ, खप्रेटा बस्ने ८३ वर्षीय बुबा जंगबहादुर सुनारको हत्या गरेको आरोपमा प्रहरीले ३० वर्षीय छोरा तुलेलाई हिजो पक्राउ गरेको हो ।

मादक पदार्थ सेवन गरेका तुलेले सामान्य विवादमा बुवामाथि ढुंगा प्रहार गरेका थिए । ढुंगा प्रहारबाट जंगबहादुरको घटनास्थलमै मृत्यु भएको जिल्ला प्रहरी कार्यालयले जनाएको छ ।

घटनालगत्तै इलाका प्रहरी कार्यालय लुङबहानेबाट खटिएको टोली उनलाई पक्राउ गरेको हो । यस सम्बन्धमा थप अनुसन्धान भइरहेको जिल्ला प्रहरी कार्यलय प्युठानले जनाएको छ ।