नवलपरासीमा ठूलो परिमाणको ब्राउन सुगर किनबेच

नवलपरासी पश्चिममा खैरो हेरोइन र नाइट्राभेटसहित युवक पक्राउ परेका छन् । बर्दघाट नगरपालिका ४ टिसिएन चोकबाट एक केजीभन्दा बढी खैरो हेरोइन र नाइट्राभेट ३० ट्याबलेटसहित उनलाई प्रहरीले नियन्त्रणमा लिएको हो ।

स्थानीय माकर बस्ने २७ वर्षीय थमनबहादुर बाकावल मगरलाई आज पक्राउ गरिएको प्रहरीले बताएको छ । प्रहरी कार्यालय बर्दघाट, नवलपरासी पश्चिमबाट खटिएको टोलीले उनको साथबाट उक्त लागूऔषध बरामद गरेको हो ।