बानेश्वर हाइटमा मान्छे मार्न खोज्ने कपिल धरानमा फेला
गत फागुन २५ गते बिहामन नयाँ बानेश्वरस्थित हाइटमा खुकुरी प्रहार गरेर अर्काको ज्यान लिन खोज्ने कपिल भण्डारी धरानमा फेला परेका छन् । भण्डारीले अछाम मंगलेन ३ घर भई मैतिदेवी बस्ने ३३ वर्षे कमानसिंह बोगटीलाई ज्यान मार्ने उद्देश्यले खुकरी प्रहरी गरेको बताइन्छ ।
बर्दियाको गुलरिया ६ घर भई नयाँ बानेश्वर ३६ वर्षे भण्डारीले पुरानो रिस साँध्ने उद्देश्यले खुकुरी हानेर बोगटीलाई गम्भीर घाइते बनाएका थिए । त्यसपछि फरार उनलाई प्रहरीले धरानबाट पक्रेर ल्याएको हो ।
उनलाई थप अनुसन्धान एवम् कारवाहीका लागि प्रहरी वृत नयाँ बानेश्वर पठाइएको बताइएको छ ।
ट्रेन्डिङ पोस्ट
टिप्पणीहरू