६० वर्षीया महिलामाथि सासू र बुहारीको निर्घात कुटाई

सिरहामा बोक्सी आरोपमा एउटी वृद्ध महिलामाथि कुटपिट भएको छ । भगवानपुर गाउँपालिका ४ ठाडी बस्ने ६० वर्षीया महिलामाथि बोक्सी आरोपमा सासू र बुहारी दुई जना महिलाले कुटपिट गरेका हुन् ।

वृद्धालाई हातपात गरेको आरोपमा सासू र बुहारी दुवै पक्राउ परेका छन् । स्थानीय ५० वर्षीया कोशिलादेवी साह र उनकै बुहारी ३५ वर्षीया फुलकुमारी साहलाई प्रहरीले नियन्त्रणमा लिएको हो ।

प्रहरीका अनुसार पीडित महिलाको लहान अस्पतालमा उपचार भइरहेको छ । सासू बुहारीविरुद्ध बोक्सी आरोप सम्बन्धी कसूर मुद्दामा जिल्ला अदालत सिरहाबाट सात दिन म्याद थप गरी अनुसन्धान भइरहेको छ ।