कस्तुरीको विना तस्करीमा कोरियाली संलग्न

नेपालबाट कस्तुरीको विना तस्करी गरेर कोरिया लैजना खोज्ने एक जना कोरियाली समातिएका छन् । कोरियन एयरबाट सिओल जान लागेका उनलाई प्रहरीले त्रिभुवन अन्तर्राष्ट्रिय विमानस्थलबाट नियन्त्रणमा लिएको हो ।

अन्तर्राष्ट्रिय उडानतर्फको प्रस्थान ह्याण्ड ब्यागेज चेकिङ एरियाबाट जोङ्ग जुङ जुनलाई पक्राउ गरिएको विमानस्थल प्रहरीले जानकारी दिएको छ । उनले आफूले लगाएको जुत्ताभित्र कस्तुरीको विना खुकाएका थिए । विमानस्थलमा एक्सरे मेसिनबाट चेकिङ गर्दा सो कुरा पुष्टी भएको हो ।

उनको साथबाट प्रहरीले दुई पोका विना बरामद गरेको छ । जुनलाई आवश्यक कारबाहीको लागि डिभिजन वन कार्यालय हात्तिसार पठाइएको छ ।