७ राउण्ड गोलीसहित एकजना समातिए
इलाममा सात राउण्ड गोलीसहित एकजना समातिएका छन् । सूर्योदय नगरपालिका–९ ढोडे बस्ने ३५ वर्षीय जीवन राईलाई प्रहरीले पक्राउ गरेको हो ।
प्रहरी चौकी फिक्कलबाट खटिएको टोलीले उनको घर खनतलासी गर्दा सुत्ने कोठाको र्याकको घर्रामा लुकाई राखेको अवस्थामा ती गोली बरामद भएको हो । बरामद गोलीसँगै उनलाई हिजो पक्राउ गरिएको हो ।
जीवनले राइफलको गोली देखाउँदै घर तथा छरछिमेकीलाई समेत पटक पटक डरधम्की दिँदै आएको बताइन्छ । यसबारे थप अनुसन्धान गरिरहेको प्रहरीले जनाएको छ ।
टिप्पणीहरू