राजधानीमै युवकमाथि छुरा प्रहार

काठमाडौँको कागेश्वरी मनोहरा नगरपालिका, ५ थलीमा एक युवकमाथि छुरा प्रहार भएको छ । सिन्धुपाल्चोक घर भई हाल थली बस्ने २५ वर्षीय राजन श्रेष्ठमाथि छुरा प्रहार भएको हो ।

उनलाई छुरा प्रहार गरि भागेका दिपेश शाक्यलाई १८ घण्टापछि हिजो राति नियन्त्रणमा लिएको प्रहरीले जानकारी दिएको छ । आरोपी शाक्य सिन्धुपाल्चोककै हुन् । उनी पनि थलीमै बस्दै आएका छन् ।

उनको धारिलो हतियार प्रहारबाट श्रेष्ठको पेटमा लाग्दा गम्भिर घाइते भएका छन् । शाक्यलाई ज्यान मार्ने उद्योग मुद्दामा जिल्ला अदालत काठमाडौँबाट चार दिनकोे म्याद थप लिई अनुसन्धान भइरहेको प्रहरीले जनाएको छ ।