स्याकार ट्रेडिङ कम्पनी टाटा ग्रीन ब्याट्रीको आधिकारिक विक्रेताका रूपमा नियुक्त

टाटा ग्रीन ब्याट्रीको आधिकारिक विक्रेताको रुपमा स्याकार ट्रेडिङ कम्पनी प्राली (एसटीसी) नियुक्त भएको छ ।

नेपालका लागि होण्डा मोटरसाइकल तथा स्कुटरका आधिकारिक विक्रेता तथा वितरक स्याकार ट्रेडिङ कम्पनी प्रालीलाई होण्डा मोटरसाइकल तथा स्कुटर, होण्डा पावर प्रोडक्ट र होण्डा मोटर्सको निम्ति टाटा ग्रीन ब्याट्रिको आधिकारिक विक्रेताको रुपमा नियुक्त गरिएको हो ।

टाटा ग्रीन ब्याट्रिज, टाटा अटोक्याम्प जीवाइ ब्याट्रीज प्रालीबाट उत्पादन हुन्छ । जो भारतको प्रमुख अटोमुभी र टु डब्लु ब्याट्री उत्पादक मध्ये एकमा पर्छ । उक्त ब्याट्रिको गत बिहिबार कम्पनीको प्रमुख कार्यmय ज्योती भवनमा एक लञ्च गरिएको हो ।

सो अवसरमा कम्पनीका सिईओ रवि गुप्ताले टाटा ग्रीन ब्याट्रि टु व्हीलर्स ब्याट्रिज भारतमा रहेको ठूला उत्पादकहरु मध्येको एकमा पर्ने जानकारी दिए ।

टु डब्लु ब्याट्रि सप्लायर्सको क्षेत्रमा भारत स्थित टाटा अटो क्याम्प एक प्रमुख कम्पनी हो । टाटा अटो क्याम्पसँगको सहकार्यबाट नेपालमा रहेको एसटीसीका एक सय ५० डिलरमार्फत ग्राहक समक्ष टाटा ग्रीन ब्याट्रिको सेवा पुर्याइने कम्पनीले जनाएको छ ।

टाटा ग्रीन ब्याट्रजिमा, टाटा अटो कम्पनी सिस्टमस र यूअसा कर्पोरेसन, जापानको ५०/५० (जोइन्ट भेन्चर) संयुक्त लगानी रहेको छ । हाउस अफ टाटाको टाटा अटो कम्पनीले विश्वका प्रख्यात (ओइएमएस) हरुलाई थुप्रै पार्टपूर्जा विक्री गर्दछ, जो आफैमा एउटा विशाल टायर वान अटोमोटिभ पार्टपूर्जा उत्पादक र विक्रेता हो ।

जीएस युआसा विश्वकै ठूलो टू व्हीलर ब्याट्रि उत्पादक र एसियाको सबै भन्दा ठूलो अटोमोटिभ ब्याट्रि उत्पादक रहेको छ, जसको विश्वभरको २० भन्दा बढी देशहरुको (ओइएमएस) सँगको सम्बन्ध पनि निकै नै बलियो छ ।

हाल जीवाई ब्याट्रिजले भारतका प्रसिध्द अटो ओरिजिनल इक्वीपमेन्ट मेनीफ्यक्चर (ओइएमएस) मार्फत टू व्हीलर्स, थ्री व्हीलर्स, फोर व्हीलर्स, अफ रोड र जेनसेट, ई रिक्सा र अरु व्यवसायिक साधनहरुलाई आपूर्ति गरीरहेको छ ।

यसको बलियो पहुँचले गर्दा, पाँच सय भन्दा बढी वितरक, १५ हजार भन्दा बढी विक्रेता र २५ हजार भन्दा बढी ग्यारेजमार्फत बजार पछि पनि धेरै सेगमेन्टमा महत्वपूर्ण भूमिका खेलेको छ ।

एसटीसी, ज्योती ग्रुपसँग सम्बन्धित ५५ वर्ष देखि नेपालमा होण्डा टू व्हीलर्स, फोर व्हीलर्स, जेनसेट, पावर प्रोडक्ट र अन्य प्रोडक्टको एक मात्र वितरकको रुपमा काम गरिरहेको छ ।

एसटीसीको २० लाख भन्दा बढी ग्राहक र एक सय ५० भन्दा बढी डिलर्स, एक सय भन्दा बढी ठाउँ सम्म पहुँच रहेको छ ।