भारतीय नागरिकको भित्री वस्त्रमा दुई थान सुन
दुबईबाट भित्री वस्त्रमा सुन लुकाएर नेपाल ल्याएका भारतीय नागरिक समातिएका छन् । फ्लाई दुबईको उडानबाट काठमाडौँ आएका भारतीय यात्रु युसुफ हारुनलाई सुनसहित पक्राउ गरिएको विमानस्थल प्रहरीले जनाएको छ ।
उनलाई प्रहरीले त्रिभुवन अन्तर्राष्ट्रिय विमानस्थलको आगमनतर्फको टनेल गेटबाट नियन्त्रणमा लिएको हो । प्रहरीका अनुसार पक्राउ परेका हारुनलाई चेकजाँच गर्दा उनले लगाएको भित्री वस्त्रमा दुई थान सुन फेला परेको हो ।
हारुनलाई आवश्यक कारबाहीको लागि त्रिभुवन विमानस्थल भन्सार कार्यालय गौचरमा बुझाइएको छ ।
टिप्पणीहरू