भारतीय नागरिकको हाफ प्यान्टको टाँकमा सुनको डल्लो

टाँकमा सुनको डल्लो जडिएको हाफ प्यान्ट ल्याएका भारतीयलाई आज काठमाडौैं विमानस्थलबाट प्रहरीले नियन्त्रणमा लिएको छ । बैंककबाट थाई स्माइल एअरको उडान नम्बर डब्लुई ३१९ मा आएका डेभिड मक्करको साथमा रहेको हाफ प्यान्टको टाँकमा सुन फेला परेको हो ।

पासपोर्ट नम्बर एम ७९४६७०७ का मक्करले साथमा ल्याएको पाँच वटा हाफ प्यान्टको टाँकमा रिंग बनाएर सुन लुकाइएको फेला परेको हो । टाँकमा जडान गरिएको सुन ४२६ ग्राम रहेको बताइन्छ ।

निजलाई सुनसहित नियन्त्रणमा लिई आवश्यक कारवाहीको लागि प्रहरी वृत्त गौशाला लगिएको छ ।