२४ वर्षे केटोको साथमा ३७ लाख, कोठामा साढे १७ लाख
हुण्डी कारोबारमा संलग्न रहेको आशंकामा एक युवक समातिएका छन् । काठमाडौँको कपनस्थित भृकुटी चोकबाट साढे ४९ लाख नगदसहित २४ वर्षे धावा घ्याल्चेन गएराति पक्राउ परेका हुन् ।
सादा पोशाकमा खटेको प्रहरी टोलीले गोरखा चुमनुब्री गाउँपालिका घर भई हाल काठमाडौँ तीनचुली बस्ने घ्याल्चेनलाई पक्राउ गरेको बताइएको छ ।
कपनमा हिजो साँझ सवारी साधन जाँच गर्ने क्रममा बा. ९९ प ७२०४ नम्बरको मोटरसाइकलमा सवार उनको साथमा स्रोत नखुलेको ३२ लाख रुपैयाँ फेला परेको हो । त्यसपछि प्रहरीले उनको कोठमा छापा मारेको थियो । त्यहाँ पनि प्रहरीले १७ लाख ५० हजार नगद बरामद गरेको जनाएको छ ।
उनले नातामा काका पर्ने खेम्बु निङ्मा दोर्जेले ताइवानबाट पठाएको रकम भएको प्रारम्भिक बयान दिएका छन् । सो रकम हुण्डीमा प्रयोग भएको हुन सक्ने भन्दै प्रहरीले हिरासतमा राखेर थप अनुसन्धान गरिरहेको छ ।
टिप्पणीहरू