झापामा अटोरिक्सामा ब्राउन सुगर ओसारियो
झापाको बिर्तामोडबाट ब्राउन सुगरसहित अटोरिक्सा र दुई जना समातिएका छन् । पक्राउ पर्नेमा अटो चालक सुनसरी निवासी हाल बिर्तामोड नगरपालिका–४ बस्ने ४० वर्षीय उमेश चौधरी र सोही नगरपालिका–३ बस्ने २७ वर्षीया प्रतिक्षा चौधरी हुन् ।
उनीहरुलाई सोही नगरपालिका–४ पुरानो बिजुली कार्यालय नजिकै बिर्ताबजारबाट बुटाबारीतर्फ जाँदै गरेको मे.१ ह.२९२१ नम्बरको अटोसहित पक्राउ गरिएको जिल्ला प्रहरी कार्यालय झापाका प्रहरी नायव उपरीक्षक बसन्त पाठकले जानकारी दिए ।
उनका अनुसार अटो चेक जाँचको क्रममा उनीहरूले लुकाएर राखेको अवस्थामा ९ ग्राम २ सय मिलिग्राम ब्राउन सुगर फेला परेकोे हो ।
अटोसहित दुबै जनालाई नियन्त्रणमा लिएर इलाका प्रहरी कार्यालय अनारमनीमा राखी थप अनुसन्धान भइरहेको प्रहरीको भनाइ छ ।
टिप्पणीहरू