८३ वर्षीया वृद्दा दिउँसै लुटिइन्
बर्दियामा एक बृद्धा दिउँसै लुटपाटमा परेकी छन् । बढैयाताल गाउँपालिका-८ कण्ठपुर बस्ने ८३ वर्षीया वृद्दा हिजो दिउँसै लुटिएकी हुन् ।
लुटपाट आरोपमा भारत बहराइच मोतिपुर नानपारा तहसिल चौधरीगाउँ बस्ने २६ वर्षीय रजन दर्जीलाई प्रहरी चौकी कालिकाबाट खटिएको प्रहरीले पक्राउ गरेको छ । उनले घरमा एक्लै बसिरहेकी ती वृद्दाको साथबाट सुनको २ थान कानबाली र फुली लुटेको प्रहरीले जनाएको छ ।
दर्जीलाई नियन्त्रणमा लिएर थप अनुसन्धान गरिरहेको प्रहरीले बताएको छ ।
टिप्पणीहरू