आधा करोड बढीको लत्ताकपडा बोकेको ट्रक प्रहरी नियन्त्रणमा

पर्सामा बिल विजकभन्दा बढी लत्ताकपडा र खुद्रा सामान बोकेको ट्रकलाई प्रहरीले नियन्त्रणमा लिएको छ । वीरगञ्ज महानगरपालिका ६, माईस्थान नजिकैबाट प्रहरीले आज उक्त ट्रक समातेको हो ।

प्रहरी कार्यालय बिर्ताबाट खटिएको टोलीले ना.६ ख ४३४५ नम्बरको मालवाहक ट्रकलाई रोकी जाँच गर्ने क्रममा विल बिजकभन्दा बढी लत्ताकपडा र खुद्रा सामान बोकेको फेला पारेको हो ।

ट्रकबाट ५४ लाख ५ पाँच ६३८ मुल्य पर्ने विभिन्न किसिमका लत्ताकपडा र खुद्रा सामान बरामद गरिएको बताइएको छ । बरामद सामानसहित ट्रकलाई राजश्व अनुसन्धान कार्यालय, पथलैयामा बुझाइएको छ ।